OHM'S LAW-4

OHM’S  LAW - ඕම් ගේ නියමය

                          

                          මෙම නියමයෙන්  වෝල්ටීය තාවය, ධාරාව හා ප්‍රථිරෝධය අතර ඇති අන්නෝන්‍ය    සම්බන්ධතාවය පෙන්වයි.

                                                 විදුලිය සමග කටයුතු කිරීමේදී ,විභවඅන්තරය,විදුලි ධාරාව,ක්ෂමතාවය,ප්‍රතිරෝධය, (volt ,Ampere ,Watt, Ohms, ) ඒකක සම්බන්ධ විවිධ ගණනය කිරීම් කිරීමට අපට සිදුවේ.ඒ සදහා ඕම්ස් නියමය ප්‍රයෝජනවත්වේ. ඒ සදහා යොදාගත හැකි චක්‍රයක් පහත දැක්වේ.

                                     

  මෙම චක්‍රය උපයෝගී කරගන්නා ආකාරය බලමු.මෙහි ඇතුලත රව්මේ ඇති,

                     E = volt ( V )

                     I = current (  A )/Ampere.

                    P = watt ( W  )

                    R = Ohm (  Ω  )/ Resistor

මේ එක් එක් ඒකකය සදහා යොදාගත හැකි සූත්‍ර තුන බැගින් ඊට පිටතින් ඇත. අපි උදාහරන කිපයක් බලමු.

උදාහරන 1 :-

                          1100 w , විදුලි උදුනකට අවශ්‍ය විදුලිය 220 v වේ.  මේ     මාර්ගයට       යෙදිය  යුතු  විලායකය ( fuse  ) හි අගය Ampere කීයද ? 

                                           අප සෙවිය යුතු වන්නේ Ampere  ය.( Ampere =  I )  ඇතුලත රව්මේ “ I “ කොටසට අදාලව පිටතින් ඇති කොටසින් , අප ලග ඇති තොරතුරු ( 1100 w = p , 220 v = E ) ඇත්තේ P/ E කොටසේය. මේ අනුව,

                         P = 1100 w

                         E = 220 v     

                         I = P/ E (චක්‍රය බලන්න )

             එවිට,   I = 1100 w / 220 v

                         I = 5 A .   

                                      5A fuse එකක් යෙදිය යුතුය.     

උදාහරන 2 :-    

                       12 v බැටරියකින් 3v, 0.2 A, බල්බයක් දැල්විය යුතුය. ඒ සදහා අවශය ප්‍රතිරොධක යේ  (                                                            Resistor ) අගය  Ohms , හා watt   ගණන කීයද?

                         

                          *** දැල්විය යුතු බල්බය 3v නිසා  ප්‍රතිරොධකයේ  දෙකලවර විභව අන්තරය 9  v  වේ.

                          *** ප්‍රතිරොධකය හරහා ගලන ධාරාව 0.2 A වේ. එනම්,

                           

                                    E = 9  V

                                    I  = 0.2 A , එම නිසා,

                                    R = E / I

                                    R = 9 / 0.2

                                    R = 45 Ω.

                    Resistor රෙසිස්ටරය 45 ඕම්ස් විය යුතුය. දැන්    රෙසිස්ටරයේ watt ( P ) ගණන  සොයමු.

                       

                         ***  ප්‍රතිරොධකය හරහා වෝල්ටීයතාවය = 9V   

                         ***  ප්‍රතිරොධකය හරහා ගලන ධාරාව     = 0.2 A වේ. එවිට,

                                

                                P = V * A

                                     P = 9 V * 0.2 A

                                     P = 1.8 W 

                                                                     

                                                    1.8 W රෙසිස්ටරයක් යෙදිය යුතුය.

                           

 මෙම කරුණු ඉතා කෙටියෙන් සදහන් උවත්, ඔබට අවබෝධ වන්නට ඇතැයි සිතමි. මේ පිලිබදව වැඩි දුරට ඉදිරියේදී සාකච්ඡා කරමු.